قلبي غضبان عليكي ليوم الدين
بصيت حواليا عشان أعرف مين اللي بتقولي كدا ملقتش حد واقف والشارع كان فاضي ، قلت لنفسي يمكن بتخيل أو سمعت غلط!
لكن الصوت تكرر فرجعت برجلي خطوتين لقيت شباك مفتوح وفي بنت زي القمر واقفة في وش الشباك بتعيط وبتقول :
انا هتجوز من غير تلاجة ومش عاوزة حد يجيبهالي.
تجاهلت الموضوع ومشيت رحت الجمعية الخيرية اللي بشتغل فيها ،
وبعد يومين وجدت صديقتي جالسة مخنوقة وبتقول لجوزها ربنا هيدبر كل حاجة ، ما دام راح للخير مينفعش نزعل عليه.
كنت لسه هسألها عن سبب زعلها مع جوزها لقيت عروسة داخلة تقول لصديقتي : هتجيبولها التلاجة صح!
بصيت للعروسة وقولتلها مين الحالة دي؟
العروسة بصت بضحكة وقالت :
دي بنت جارتنا يتيمة إسمها ريم لما ميعاد فرحي قرب أبويا مقدرش يجيبلي التلاجة ،
وكان مديون والناس كلها وقفاله على الفلوس ،
ويوم عزالي مكنتش لسه جبت التلاجة وقعدت طول الوقت أدعي ربنا ميفضحنيش قدام أهل جوزي ،
وبعدها لقيت ريم داخلة بالتلاجة اللي كانت جيباها في الجهاز وسمعت من بنت عمها إن أم ريم كانت رافضة ،
وريم فهمتها إني هجيبلها واحدة قبل فرحها برغم إنها قالتلي إن التلاجة هدية فرحي.
وهي كل يوم تأجل جوازها وأنا عاوزة أفرحها زي ما سترتني!
وقفت مصدومة من الجمال اللي بسمعه ، وبقيت أقول هو مين في الزمن ده بيفضَّل غيره على نفسه ،
لحد ما لقيت صاحبتي بتطبطب على كتفي وبتقول : أنا عارفة إن المساعدات اليومين دول مخصصة لإطعام رمضان ،
إقرأ أيضا: عندما يتسلل الخوف إلى القلب
وعشان كدا روحت وبعت الخاتم الذهب بتاعي عشان نشتري التلاجة وكمان عشان ربنا يشفيلي إبني.
جيت أحسب فلوس الخاتم لقيتها مش هتكمل!
فذهبت لصاحبة الجمعية اللي مشتركة وطلبت منها أقبضها الأول ووافقت على طول مجرد ما سمعت السبب ،
وكملت فلوس التلاجة ، واعتبرتها تجارة رابحة مع ربنا ودعيت لكل اللي ساهم.
جبنا التلاجة ودخلنا بيت البنت لاقينا أمها قاعدة هموم الدنيا كلها على ملامحها ، وقتها كانت البنت قاعدة بتقول :
« اللَّهُمَّ أَنْتَ رَبِّي لا إِلَهَ إِلا أَنْتَ ، عَلَيْكَ تَوَكَّلْتُ ، وَأَنْتَ رَبُّ الْعَرْشِ الْعَظِيمِ , مَا شَاءَ اللَّهُ كَانَ ، وَمَا لَمْ يَشَأْ لَمْ يَكُنْ ، وَلا حَوْلَ وَلا قُوَّةَ إِلا بِاللَّهِ الْعَلِيِّ الْعَظِيمِ »
البنت قامت وبصت باستغراب فدخلنا بالتلاجة ،
أنا لحد دلوقتي فرحة البنت وهي بتقول: ما خاب من إعتصم بحبل رضاك يارب!
ودموعها وهي بتقول لأمها : شفتي يا ماما ربنا؟ شفتي نهاية الخير اللي بنعمله؟ وإن شاء الله باقي جهازي هيجي هو كمان!
وبالفعل سمعنا الكلمة وجبنا باقي جهازها ،
أصل كلام الصالح بيوصل للسماء في لحظة!
حبيت أقول إن البنتين اتجوزوا وخلفوا.
وصاحبتي اللي باعت الخاتم ربنا تم شفاء إبنها اللي كان مستحيل.
وأنا تجوزت بعد سن الثلاتين وخلفت عادي وزوجي نعم الزوج.
ودلوقتي فلوس كل اللي ساهم زادت وفعلا ،
ما نقص مالٌ من صدقة.
ربنا مش هيرزقك اللي بتتمناه غير لما قلبك يكون صادق.
تصدَّق أولاً وسيصدقٌ الله وعده.
